DARD KYA HOTA HAI KOI MUJHSE PUCHE !!!

Dard kya hota hai koi mujhse puche  !!!

Jism me ho dard par labzon me na ho chikhein

Jaan nikalne lagti ho, rooh tak kamp uthti ho,

Andhera chhane lagta ho, aati na ho saansein……

Dard kya hota hai koi mujhse puche !!!

Aankhein bahar nikal jaye..

Yamraaj bhi ye na dekh paye..

Duniya se mukt hone ke sapne aaye..

Insaan khud ko bhi bhul jaye..

Dard kya hota hai koi mujhse puche !!!

Wo chikhein agar kisi apne ki ho?

Apne jaan se bhi pyaare ki ho?

Chikhne wala apke saamne ho?

Aur wo chikh sunne wale aap ho?

Unke saamne lachar aur bebas  agar aap ho?

Dard kya hota hai koi mujhse puche !!!

Unka kabhi baal bhi bankaa na ho

Ye sapna agar aapka ho

Apke saamne wo tadap raha ho

Sharir se chamdi alag ki jaa rahi ho

Sab kuch jahannum se bhi dardnaak ho

Aur ye sab kuch dekhne waale akele aap ho

Dard kya hota hai koi mujhse puche !!!

Halki si pyaari si nind aa rahi ho

Mitha sa ehsaas ho raha ho

Tabhi aap unka chehra aag me jalta dekhte ho

Dard kya hota hai koi mujhse puche !!!

Wo chhupa rahe ho aap se dard par chhupa na paye

Bardaasht na kar pao aap phir bhi joojh rahe

Wo keh kar bhi aapse kuch keh na paye

Aur bina kuch kahe hi sab kuch keh jaye

Dard kya hota hai koi mujhse puche !!!

Jab aap unhe dekhte ho, bina chamde ke dekhte ho…

Khoon nahi jism ka maans dekhte ho…

Unhe is haal me tadapta, kampta hua dekhte ho…

Jab aap apne jaan se bhi pyaare ko is haal me dekhte ho…

Aur jab aap unke is haal ki wajah khud ko paate ho…

Dard kya hota hai koi mujhse puche !!!

Suraj ,chand na dekha ho, Ped paudhe na dekha ho

Mahino tak roshni bhi na dekhi ho

na dhup, hawa ,na taazgi mehsus kiya ho

na subah ka pata ho na sham ka ho

koi khushi nahi ,na koi gam ho

dil me na bache koi jazbaat ho

Dard kya hota hai koi mujhse puche !!!

Jinke aansu aapko chubhte ho

Chikhein aapko gale se kaatti ho

Aur bas agar wo aapki maa ho

Sazaa kya hoti hai koi mujhse puche !!!

Zindagi kya hoti hai koi mujhse puche !!!

Dard kya hota hai koi mujhse puche !!!

-          DARD  BHARA  EHSAAS